Busana Wayang Purwa Gagrak Surakarta (Wujud, Makna, Lan Piwulang Budaya)

Busana wayang purwa ora mung saderma rerenggan kang ndadekake wayang purwa dadi endah. Sajroning busana kasebut ngemot maneka piwulang lan piweling. Semono uga busana wayang purwa gagrak Surakarta, didelok saka wujud lan wernane pranyata kebak pralampita lan piwulang budaya.

Busana kang dienggo dening sawijining paraga bisa dadi tengara dheweke kuwi sapa. Tuladhane paraga kang nganggo gelung keling. Lumrahe paraga kang nganggo gelung keling kuwi trah utawa turunanane ratu. Bab kuwi uga kaya paraga kang nganggo jarik motif parang. Kang nganggo jarik motif parang lumrahe ratu, garwane lan pangeran pati. Paraga kang nganggo busana wujud dodot poleng, porong nagaraja, gelang candrakirana, kelatbahu balibar manggis kang binelah sakkendhagane, sumping pudhak sinumpet, pupuk mas rineka jaroting asem, lan anting-anting penunggul sotya maniking warih dadi sawijining tengara menawa kang nganggo kuwi siswane Bathara Bayu.

Buku iki bisa dadi sawijining pandom kanggo nyinau babagan wujud pralampita lan piwulang budaya sajroning paraga wayang purwa gagrak Surakarta.